ليش اخترت هذه الأم وهذا الأب؟

خليني اشارككم الهام حط النقط على الحروف بشكل واضح بالنسبة لي.

أنا مؤمن بأن كل روح مننا كتبت السيناريو الخاص بها على الأرض، وعند تجسد الروح تنمسح كل البيانات وهذا لسبب منطقي بالنسبة لي وهو: أن عشان نعيش تجربة ممتعة من الخلق، لانه بصراحة ايش المتعة في تنفيذ شيء أنت عارف له مسبقا! مهم يكون فيه اكشن ومغامرات وبزل وجروح واختبارات ونقاط الم وأماكن مضلمة تتجاوزها زي اللعبة حرفيا 👌

من ضمن الأمور اللي بنكتبها في السناريو هي العائلة وراح اتكلم في هذا البوست عن الاب والام تحديدا، احنا ما بنختار الاب والام عشوائيا بل لغرض مهم وهو جزء لا يتجزأ من السيناريو الأساسي

بعد رحلة طويلة مع والدي ووالدتي الرائعين احب اقول اني اخرت والدي عشان تتعلم كيف اتصالح مع المال وكيف يجيني بكل سهولة ويسر (عشان كذا كان مهم اختار أب يوريني الجانب الآخر واللي هو العكس تماما)

وتعلمت من والدتي كيف اتجرأ أظهر أمام الناس بطبيعتي بدون الخوف على كبريائي أو الايجو الخاص بي (عشان كذا اخترت ام توريني الجانب الآخر واللي هو العكس تماما)

روحي اختارت كل هذي الشخصيات عشان تخوض تجربة مليئة بالمغامرة وتجربة أمور جديدة وانا كنت اعرقل هذي التجربة العظيمة بخوفي والايجو، أنا اعترف اني ضيعت وقت كبير ولكنني ممتن لشخصيتي القديمة اللي مرت في هذي المراحل وممتن لشخصيتي الجديدة الجريئة والشجاعة وممتن لروحي العظيمة على هذا السيناريو الإبداعي وأحب اقول ولسه الجاي احلى بكل مراحلة.

والان احب اسألك:

ايش اللي تعلمته من ابوك؟

ايش اللي تعلمته من امك؟

وهنا أنا ما اقصد ايش اللي انت ورثته منهم، لا، أنا أقصد كيف تطورت من خلالهم؟ عشان تخلق نسختك المستقلة